കോഴിക്കോട്: 61-ാമത് സംസ്ഥാന സ്‌കൂള്‍ കലോത്സവം വാശിയോടെ അവസാന ഘട്ടത്തിലെത്തുമ്പോള്‍ ആതിഥേയരായ കോഴിക്കോട് തന്നെ ഒന്നാം സ്ഥാനത്ത്. 834 പോയിന്‍റാണ് ജില്ല നേടിയത്. തൊട്ടുപിന്നില്‍ തന്നെ 828 പോയിന്‍റുമായി കണ്ണൂര്‍ രണ്ടാമതും 819 പോയിന്‍റുമായി പാലക്കാട് മൂന്നാമതുമുണ്ട്.
| എണ്ണം | ജില്ല | പോയിന്‍റ് |
| 1 | കോഴിക്കോട് | 834 |
| 2 | കണ്ണൂര്‍ | 828 |
| 3 | പാലക്കാട് | 819 |
| 4 | തൃശൂര്‍ | 814 |
| 5 | മലപ്പുറം | 783 |
തൃശൂര്‍ - 814, എറണാകുളം - 783 എന്നിങ്ങനെയാണ് നാലാമതും അഞ്ചാമതുമുള്ള ജില്ലകളുടെ പോയിന്‍റുകള്‍. ഹൈസ്‌കൂള്‍ ജനറല്‍ വിഭാഗത്തില്‍ ഇതുവരെ ആകെയുള്ള 96 പരിപാടികളില്‍ 86 എണ്ണമാണ് പൂര്‍ത്തിയായത്. ഹയര്‍ സെക്കന്‍ഡറി ജനറല്‍ വിഭാഗം - 105 ല്‍ 94, ഹൈസ്‌കൂള്‍ അറബിക്ക് - 19ല്‍ 19, ഹൈസ്‌കൂള്‍ സംസ്‌കൃതം -19ല്‍ 18 എന്നിങ്ങനെയാണ് മറ്റ് കണക്കുകള്‍.
| വിഭാഗം | ആകെ പരിപാടികള്‍ | നടന്ന പരിപാടികള്‍ |
| എച്ച്എസ് ജനറല്‍ | 96 | 86 |
| എച്ച്എസ്എസ് ജനറല്‍ | 105 | 94 |
| എച്ച്എസ് അറബിക് | 19 | 19 |
| എച്ച്എസ് സംസ്‌കൃതം | 19 | 18 |
ALSO READ| സംസ്ഥാന സ്‌കൂൾ കലോത്സവം: കോടതി ഉത്തരവിലൂടെ പങ്കെടുക്കാനെത്തിയവരുടെ ഫലം തടഞ്ഞു
ഏറ്റവും കൂടുതല്‍ പോയിന്‍റുകള്‍ നേടിയ വിദ്യാലയങ്ങളുടെ പട്ടികയില്‍, 129 പോയിന്‍റുമായി പാലക്കാട് ജില്ലയിലെ ബിഎസ്എസ് ഗുരുകുലം എച്ച്എസ്‌എസാണ് ഒന്നാം സ്ഥാനത്തുള്ളത്. 122 പോയിന്‍റുമായി തിരുവനന്തപുരം കാര്‍മല്‍ ഇഎം ഗേള്‍സ് എച്ച്എസ്എസ് വഴുതക്കാട് രണ്ടാമതും 103 പോയിന്‍റുമായി കണ്ണൂര്‍ സെന്‍റ് തെരേസ എസ്‌ഐഎച്ച്‌എസ്‌എസ്‌ മൂന്നാമതുമാണ്.
| എണ്ണം | കൂടുതല്‍ പോയിന്‍റുള്ള സ്‌കൂളുകള്‍ | പോയിന്‍റ് | |
| 1 | ബിഎസ്എസ് ഗുരുകുലം എച്ച്എസ്എസ്, പാലക്കാട് | 129 | |
| 2 | കാര്‍മല്‍ ഇഎം ഗേള്‍സ് എച്ച്എസ്എസ് തിരുവനന്തപുരം | 122 | |
| 3 | സെന്‍റ് തെരേസാസ് എഐഎച്ച്എസ്‌എസ്‌ കണ്ണൂര്‍ | 103 | |
