തിരുവനന്തപുരം: തദ്ദേശ ഭരണ തെരഞ്ഞെടുപ്പിന്‍റെ ഒന്നാം ഘട്ടത്തില്‍ 6911 വാര്‍ഡുകളിലേക്കാണ് വോട്ടെടുപ്പ്. ഡിസംബര്‍ എട്ടിന് നടക്കുന്ന വോട്ടെടുപ്പില്‍ അഞ്ച് ജില്ലകളിലെ 318 ഗ്രാമപഞ്ചാത്തുകളിലെ 5280 വാര്‍ഡുകളിലേക്കും 50 ബ്ലോക്ക് പഞ്ചായത്തുകളിലെ 675 വാര്‍ഡുകളിലേക്കും അഞ്ച് ജില്ലാ പഞ്ചായത്തുകളിലെ 107 വാര്‍ഡുകളിലേക്കും 20 മുന്‍സിപ്പാലിറ്റികളിലെ 694 വാര്‍ഡുകളിലേക്കും രണ്ട് കോര്‍പ്പറേഷനുകളിലെ 155 വാര്‍ഡുകളിലേക്കുമാണ് ആദ്യഘട്ട തെരഞ്ഞെടുപ്പ്. ആകെ 395 തദ്ദേശഭരണ സ്ഥാപനങ്ങളിലേക്കുള്ള പ്രതിനിധികളെ തെരഞ്ഞെടുക്കുന്നതിനാണ് വോട്ടെടുപ്പ്.
ജില്ല തിരിച്ചുള്ള വാര്‍ഡുകള്‍; തിരുവനന്തപുരം-1727, കൊല്ലം-1596, പത്തനംതിട്ട-1042, ആലപ്പുഴ-1565, ഇടുക്കി-981. രാവിലെ ഏഴ് മുതല്‍ വൈകിട്ട് ആറുമണിവരെയാണ് വോട്ടെടുപ്പ്.
