തിരുവനന്തപുരം: സംസ്ഥാനത്ത് 21890 പേര്‍ക്ക് കൂടി കൊവിഡ് സ്ഥിരീകരിച്ചു.ഇന്ന് 28 മരണങ്ങളാണ് കൊവിഡ് മൂലമാണെന്ന് സ്ഥിരീകരിച്ചത്. ഇതോടെ ആകെ മരണം 5138 ആയി. കഴിഞ്ഞ 24 മണിക്കൂറിനിടെ 96378 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 22.71 ശതമാനം. ഇന്ന് രോഗം സ്ഥിരീകരിച്ചവരില്‍ 230 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 20,088 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 1502 പേരുടെ സമ്പര്‍ക്ക ഉറവിടം വ്യക്തമല്ല. 70 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. ഇതുവരെ ആകെ 1,52,13,100 സാമ്പിളുകളാണ് പരിശോധിച്ചത്. രോഗം സ്ഥിരീകരിച്ച് ചികിത്സയിലായിരുന്ന 7943 പേരുടെ പരിശോധനാഫലം നെഗറ്റീവ് ആയി. ഇതോടെ 2,32,812 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 11,89,267 പേര്‍ ഇതുവരെ കോവിഡില്‍ നിന്നും മുക്തി നേടി.
യുകെ, സൗത്ത് ആഫ്രിക്ക, ബ്രസീല്‍ എന്നീ രാജ്യങ്ങളില്‍ നിന്നും വന്ന ആര്‍ക്കും തന്നെ കഴിഞ്ഞ 24 മണിക്കൂറിനകം കൊവിഡ്-19 സ്ഥിരീകരിച്ചില്ല. അടുത്തിടെ യുകെ (108), സൗത്ത് ആഫ്രിക്ക (7), ബ്രസീല്‍ (1) എന്നീ രാജ്യങ്ങളില്‍ നിന്നും വന്ന 116 പേര്‍ക്കാണ് ഇതുവരെ കൊവിഡ് 19 സ്ഥിരീകരിച്ചത്. ഇവരില്‍ 112 പേരുടെ പരിശോധനാഫലം നെഗറ്റീവായി. ആകെ 11 പേരിലാണ് ജനിതക വകഭേദം വന്ന വൈറസിനെ കണ്ടെത്തിയത്.
രോഗബാധിതരുടെ ജില്ല തിരിച്ചുള്ള കണക്ക്
കോഴിക്കോട് ജില്ലയിലാണ് ഏറ്റവും അധികം രോഗികൾ. 3251 പേർക്കാണ് കോഴിക്കോട് രോഗം സ്ഥിരീകരിച്ചത്. എറണാകുളം- 2515, മലപ്പുറം- 2455, തൃശൂര്‍- 2416, തിരുവനന്തപുരം- 2272, കണ്ണൂര്‍- 1618, പാലക്കാട്- 1342, കോട്ടയം- 1275, ആലപ്പുഴ- 1183, കാസർകോട്- 1086, ഇടുക്കി- 779, കൊല്ലം- 741, വയനാട്- 500, പത്തനംതിട്ട- 457 എന്നിങ്ങനെയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.
സമ്പർക്ക രോഗബാധിതർ
കോഴിക്കോട്- 3176, എറണാകുളം- 2470, മലപ്പുറം- 2344, തൃശൂര്‍- 2392, തിരുവനന്തപുരം- 1934, കണ്ണൂര്‍- 1425, പാലക്കാട്- 565, കോട്ടയം- 1184, ആലപ്പുഴ- 1180, കാസര്‍കോട്- 1034, ഇടുക്കി- 751, കൊല്ലം- 730, വയനാട്- 483, പത്തനംതിട്ട- 420 എന്നിങ്ങനെയാണ് സമ്പര്‍ക്കത്തിലൂടെ രോഗം ബാധിച്ചത്.
രോഗം ബാധിച്ച ആരോഗ്യ പ്രവര്‍ത്തകർ
കണ്ണൂര്‍- 17, കാസര്‍ഗോഡ്- 12, വയനാട്- 9, തിരുവനന്തപുരം, തൃശൂര്‍, പാലക്കാട് ആറു വീതം, കൊല്ലം, എറണാകുളം, കോഴിക്കോട് മൂന്ന് വീതം, പത്തനംതിട്ട- 2, കോട്ടയം, ഇടുക്കി, മലപ്പുറം ഒന്നുവീതം ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്.
രോഗമുക്തരായവർ
തിരുവനന്തപുരം- 806, കൊല്ലം- 295, പത്തനംതിട്ട- 414, ആലപ്പുഴ- 688, കോട്ടയം- 286, ഇടുക്കി- 350, എറണാകുളം- 801, തൃശൂര്‍- 861, പാലക്കാട് -320, മലപ്പുറം- 825, കോഴിക്കോട്- 1074, വയനാട്- 117, കണ്ണൂര്‍- 683, കാസര്‍കോട്- 423 എന്നിങ്ങനെയാണ് പരിശോധനാ ഫലം ഇന്ന് നെഗറ്റീവായത്.
സംസ്ഥാനത്തെ വിവിധ ജില്ലകളിലായി 4,98,196 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 4,77,778 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്‍റൈനിലും 20,418 പേര്‍ ആശുപത്രികളിലും നിരീക്ഷണത്തിലാണ്. 3731 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. ഇന്ന് 4 പുതിയ ഹോട്ട് സ്‌പോട്ടുകളാണുള്ളത്. ഒരു പ്രദേശത്തെ ഹോട്ട് സ്‌പോട്ടില്‍ നിന്നും ഒഴിവാക്കി. നിലവില്‍ ആകെ 550 ഹോട്ട് സ്‌പോട്ടുകളാണുള്ളത്.
