തിരുവനന്തപുരം: കൊവിഡിന്‍റെ പശ്ചാത്തലത്തില്‍ സംസ്ഥാനത്ത് ലോക്ഡൗൺ നീട്ടുന്ന കാര്യം ഇന്ന് ചേരുന്ന മന്ത്രിസഭായോഗം ചർച്ച ചെയ്യും. നിയന്ത്രണങ്ങൾ സംബന്ധിച്ച് വിദഗ്‌ധ സമിതി സമർപ്പിച്ച ശുപാർശകളാണ് സമിതി ചർച്ച ചെയ്യുന്നത്. ഹോട്ട് സ്പോട്ടായി പ്രഖ്യാപിച്ച എട്ട് ജില്ലകളില്‍ നിയന്ത്രണം തുടരാൻ സാധ്യതയുണ്ട്.
ഘട്ടം ഘട്ടമായി മാത്രമെ നിയന്ത്രണങ്ങളില്‍ ഇളവ് അനുവദിക്കാവൂ എന്ന് വിദഗ്‌ധ സമിതി സർക്കാരിന് കൈമാറിയ റിപ്പോർട്ടില്‍ പറയുന്നു. കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായുള്ള സാലറി ചലഞ്ചിനും ഇന്നു ചേരുന്ന മന്ത്രിസഭ യോഗം അന്തിമരൂപം നല്‍കും.
