നൈപുണ്യ വികസനത്തിന് സ്‌കില്‍ പാര്‍ക്കുകൾ; പദ്ധതിക്ക് 350 കോടി

സ്‌കിൽ പാര്‍ക്കുകൾക്കായി 10 മുതൽ 15 ഏക്കര്‍ വരെ ഭൂമി ഏറ്റെടുക്കും.

തിരുവനന്തപുരം: നൈപുണ്യ വികസനത്തിനായി ജില്ലകളിൽ സ്‌കിൽ പാര്‍ക്കുകൾ സ്ഥാപിക്കുമെന്ന് ബജറ്റ് അവതരണത്തിൽ ധനമന്ത്രി കെ.എൻ ബാലഗോപാൽ. ഇതിനായി 10 മുതൽ 15 ഏക്കര്‍ വരെ ഭൂമി ഏറ്റെടുക്കും. ഇതിനായി കിഫ്ബി വഴി 350 കോടി രൂപ വക ഇരുത്തി.

വിദ്യാഭ്യാസ സ്ഥാപനങ്ങളിലും സ്‌കിൽ പാര്‍ക്കുകൾ സ്ഥാപിക്കും. ഒരു നിയോജകമണ്ഡലത്തിൽ ഒരു സ്‌കിൽ കേന്ദ്രം എന്ന നിലയിലാണ് ഇവ സ്ഥാപിക്കുക. ഇതിനായി 140 കോടി രൂപ വകയിരുത്തി.