തിരുവനന്തപുരം: ഡൽഹിയിലെ ജനങ്ങൾക്കിടയിൽ ആം ആദ്മി പാർട്ടി കാഴ്‌ച വച്ച പ്രവർത്തനത്തിനുള്ള അംഗീകാരമാണ് പഞ്ചാബിലെ പാർട്ടിയുടെ വിജയമെന്ന് ആം ആദ്മി പാർട്ടി കേരള ഘടകം. പഞ്ചാബിലെ ജനങ്ങൾ എഎപിയെ ആഗ്രഹിച്ചു. നാളെ കേരളവും ആഗ്രഹിക്കുമെന്ന് തിരുവനന്തപുരം പാർട്ടി ജില്ല കൺവീനർ പി.ഹരിഹരൻ പറഞ്ഞു.
കേരളത്തിലും പ്രതീക്ഷയോടെ ആം ആദ്മി
കോൺഗ്രസിന്‍റെ തകർച്ചയെക്കാൾ ഡൽഹി സർക്കാരിന്‍റെ പ്രവർത്തനത്തിൽ ജനങ്ങൾക്കുള്ള വിശ്വാസമാണ് വിജയഘടകം. അതാണ് എഎപിക്കു ലഭിച്ച ഭൂരിപക്ഷം സൂചിപ്പിക്കുന്നത്. കേരളം ആം ആദ്മി പാർട്ടിക്ക് വളക്കൂറുള്ള മണ്ണാണെന്നും പ്രതീക്ഷയുണ്ടെന്നും പാർട്ടി പി.ഹരിഹരൻ പറഞ്ഞു.
Also Read: ആം ആദ്മി ചൂലെടുത്തപ്പോള്‍ വീണത് കോണ്‍ഗ്രസിന്‍റെ മുതിര്‍ന്ന നേതാക്കള്‍
