തിരുവനന്തപുരം : മദ്യലഹരിയില്‍ ശ്രീറാം വെങ്കിട്ടരാമന്‍ ഓടിച്ച കാറിടിച്ച് മാധ്യമ പ്രവർത്തകൻ കെ.എം. ബഷീര്‍ കൊല്ലപ്പെട്ട കേസ് കോടതി തിങ്കളാഴ്‌ച പരിഗണിക്കും. തിരുവനന്തപുരം ഒന്നാം അഡീഷണൽ സെഷൻസ് കോടതിയിലാണ് കേസ്.
ALSO READ: രാജിയിൽ ഉറച്ച് വി.എം സുധീരൻ ; നിർബന്ധിച്ച് തീരുമാനം മാറ്റാൻ താൻ ആളല്ലെന്ന് വി.ഡി സതീശന്‍
ഇരുപ്രതികളും കഴിഞ്ഞ തവണ കോടതിയിൽ ഹാജരായിരുന്നു. അന്ന് രണ്ടാം പ്രതി വഫയുടെ ഫോട്ടോ മാധ്യമ പ്രവർത്തകർ പകര്‍ത്തിയത് അഭിഭാഷകര്‍ ചോദ്യം ചെയ്യുകയും തര്‍ക്കമുണ്ടാവുകയും ചെയ്‌തു. തുടർന്ന് മാധ്യമ പ്രവർത്തകരെ അഭിഭാഷകർ കൈയേറ്റം ചെയ്‌തതും വിവാദമായി.
2019 ഓഗസ്റ്റ് മൂന്നിന് പുലര്‍ച്ചെ ഒരു മണിക്കാണ് 2013 ബാച്ച് ഐഎഎസ് ഉദ്യോഗസ്ഥനായ ശ്രീറാം വെങ്കിട്ടരാമനും സുഹൃത്തായ വഫയും സഞ്ചരിച്ചിരുന്ന കാർ ഇടിച്ച് സിറാജ് പത്രത്തിന്‍റെ തിരുവനന്തപുരം ബ്യൂറോ ചീഫ് ആയിരുന്ന ബഷീര്‍ മരിച്ചത്.
