ഗവര്‍ണര്‍ മാധ്യമങ്ങളോട് സംസാരിക്കുന്നു
തിരുവനന്തപുരം: മുഖ്യമന്ത്രി പിണറായി വിജയന്‍ അക്രമം പ്രോത്സാഹിപ്പിക്കുന്ന ആളെന്നും മറുപടി പറയാൻ താനില്ലെന്ന് ഗവർണർ ആരിഫ് മുഹമ്മദ് ഖാൻ. താൻ പ്രോട്ടോക്കോൾ ലംഘിക്കുന്നു എന്നത് മുഖ്യമന്ത്രിയുടെ വാദമാണെന്നും അദ്ദേഹം പറഞ്ഞു. തലസ്ഥാനത്ത് മാധ്യമങ്ങളോട് സംസാരിക്കുകയായിരുന്നു ഗവര്‍ണര്‍ ആരിഫ് മുഹമ്മദ് ഖാന്‍ (Governor Arif Mohammed Khan).
സുപ്രീം കോടതി ഉത്തരവിട്ടിട്ടും സർവകലാശാല കാര്യങ്ങളിൽ ഇടപെടുന്നത് സർക്കാർ അവസാനിപ്പിച്ചിട്ടില്ല. നൽകിയ സാമ്പത്തിക ഉറപ്പുകൾ പാലിക്കാൻ കഴിയാത്ത സ്ഥിതിയിലാണ് സംസ്ഥാന സർക്കാർ. കേരളം സാമ്പത്തിക അടിയന്തരാവസ്ഥയിലാണ് എന്നത് ഇത് വ്യക്തമാക്കുന്നുവെന്നും അദ്ദേഹം പറഞ്ഞു. ചില അടിയന്തര നടപടികൾ താൻ എടുക്കണമെന്ന് സർക്കാർ ആഗ്രഹിക്കുന്നു എന്നാണ് മനസിലാക്കുന്നത്. താൻ അതിന് വഴങ്ങില്ലെന്നും ഗവർണർ പറഞ്ഞു.
