തിരുവനന്തപും: ദേശീയ പൗരത്വ നിയമ ഭേദഗതിക്കെതിരായ പോരാട്ടം തുടരുമെന്ന് മുഖ്യമന്ത്രി പിണറായി വിജയൻ. വിശ്രമിക്കാനുള്ള സമയമായിട്ടില്ല. ഭരണഘടനയെ തകർക്കുന്ന നിയമം റദ്ദാക്കുന്നതു വരെ പോരാടണം. മതനിരപേക്ഷത സംരക്ഷിക്കാനായി എല്ലാവരും മുന്നോട്ട് വരണമെന്നും മുഖ്യമന്ത്രി പറഞ്ഞു.
പൗരത്വം മതാടിസ്ഥാനത്തിലാക്കിയ കാടത്തത്തിനെതിരായ മഹാപ്രതിഷേധമാണ് മനുഷ്യ മഹാശൃംഖലയെന്നും മുഖ്യമന്ത്രി പറഞ്ഞു. സിഎഎയും എൻആർസിയും കേരളത്തിൽ നടപ്പാക്കില്ലെന്നും മുഖ്യമന്ത്രി ആവർത്തിച്ചു. മനുഷ്യ മഹാശൃംഖലയുടെ ഭാഗമായി പാളയം രക്തസാക്ഷി മണ്ഡപത്തിലെ പൊതുയോഗത്തിൽ സംസാരിക്കുകയായിരുന്നു മുഖ്യമന്ത്രി.
പൗരത്വ നിയമ ഭേദഗതിക്കെതിരെ പോരാട്ടം തുടരും: മുഖ്യമന്ത്രി
