തിരുവനന്തപുരം : പൊതുമരാമത്ത്-ടൂറിസം വകുപ്പ് മന്ത്രി പിഎ മുഹമ്മദ് റിയാസും യൂറോപ്യന്‍ സന്ദര്‍ശനത്തിന്. ഫ്രാന്‍സിലേക്കാണ് മന്ത്രിയും സംഘവും പോകുന്നത്. ഈ മാസം 19ന് ഫ്രാന്‍സിന്‍റെ തലസ്ഥാനമായ പാരീസിലേക്ക് മന്ത്രി യാത്ര തിരിക്കും.
ടൂറിസവുമായി ബന്ധപ്പെട്ട പരിപാടികള്‍ക്കായാണ് റിയാസിന്‍റെ യാത്ര. പാരീസില്‍ നടക്കുന്ന ടൂറിസം മേളയിലും ഫ്രഞ്ച് ട്രാവല്‍ മാര്‍ക്കറ്റിലും മന്ത്രിയും സംഘവും പങ്കെടുക്കും. മന്ത്രിയെ കൂടാതെ ടൂറിസം വകുപ്പിലെ ഉദ്യോഗസ്ഥരാണ് സംഘത്തിലുളളത്.
Read more: മുഖ്യമന്ത്രിയും മന്ത്രിമാരും യൂറോപ്പിലേക്ക് ; കേന്ദ്ര സര്‍ക്കാരിന്‍റെ അനുമതി തേടി പൊതുഭരണ വകുപ്പ്
മുഖ്യമന്ത്രി, വിദ്യാഭ്യാസ മന്ത്രി, ധനമന്ത്രി എന്നിവരടങ്ങിയ സംഘം അടുത്ത മാസം ആദ്യ ആഴ്‌ചയില്‍ യൂറോപ്പ് സന്ദര്‍ശനത്തിന് പോകുന്നുണ്ട്. വിദ്യാഭ്യാസ മേഖലയിലെ സഹകരണത്തിന് ഫിന്‍ലന്‍ഡ് ക്ഷണിച്ചതിനെ തുടര്‍ന്നാണ് യാത്ര. ഫിന്‍ലന്‍ഡിന് പുറമേ നോര്‍വേയും സംഘം സന്ദര്‍ശിക്കുമെന്നാണ് വിവരം.
