തിരുവനന്തപുരം: കേന്ദ്രമന്ത്രി വി.മുരളീധരന്‍ തീ പൊള്ളലേറ്റ് മരിച്ച വെങ്ങാനൂർ സ്വദേശിനി അർച്ചനയുടെ വീട് സന്ദർശിച്ചു. യുവതിയുടെ മരണത്തിൽ സമഗ്ര അന്വേഷണം വേണമെന്ന് മന്ത്രി ആവശ്യപ്പെട്ടു. ചിറത്തല വിളാകം അശോകന്‍റെ മകൾ അർച്ചന ഭർതൃഗൃഹത്തിൽ തീപ്പൊള്ളലേറ്റ് മരിച്ചതിൽ ബന്ധുമിത്രാദികൾ സംശയമുയർത്തിയിരുന്നു.
Also read: ഷാർജയിൽ കൊല്ലപ്പെട്ട യുവാവിന്‍റെ മൃതദേഹം നാട്ടിലെത്തിച്ചില്ലെന്ന്‌ പരാതി
കേരളത്തിൽ സ്ത്രീകൾക്കും,കുട്ടികൾക്കും സുരക്ഷിതമായി ജീവിക്കാൻ കഴിയുന്ന സാഹചര്യം ഒരുക്കണമെന്നാവശ്യപ്പെട്ട് ബി.ജെ.പി ശക്തമായ നടപടികളുമായി മുന്നോട്ട് പോകുമെന്ന് മന്ത്രി വ്യക്തമാക്കി. അർച്ചനയുടെ വീട്ടിലെത്തി മാതാപിതാക്കളെ കണ്ട ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
