തിരുവനന്തപുരം: ആഴക്കടല്‍ മത്സ്യബന്ധന കരാറിലെ വിവാദ കമ്പനി ഇഎംസിസി വിശ്വാസ്യതയില്ലാത്ത സ്ഥാപനമാണെന്ന് കേന്ദ്രസര്‍ക്കാര്‍ സംസ്ഥാന സര്‍ക്കാരിനെ അറിയിച്ചിരുന്നെന്ന് കേന്ദ്രമന്ത്രി വി. മുരളീധരന്‍. ഇഎംസിസിയുടെ വിവരങ്ങൾ തേടി ഒക്ടോബർ മൂന്നിന് ഗതാഗത സെക്രട്ടറി കെ.ആർ ജ്യോതിലാൽ കേന്ദ്ര വിദേശകാര്യ മന്ത്രാലയത്തിന് കത്ത് നൽകിയിരുന്നു. ഇതെതുടര്‍ന്ന് ന്യൂയോർക്കിലെ ഇന്ത്യൻ കോൺസുലേറ്റ് കമ്പനിയെക്കുറിച്ച് അന്വേഷിക്കുകയും ആ മേൽവിലാസത്തിൽ ഒരു കമ്പനിയില്ലെന്നും വ്യാജമാണെന്നും കോൺസുലേറ്റ് ഒക്ടോബർ 21ന് ഗതാഗത സെക്രട്ടറിക്ക് മറുപടിയും നൽകിയിരുന്നതാണ്.
ആഴക്കടല്‍ മത്സ്യബന്ധനം; സംസ്ഥാന സര്‍ക്കാരിന് നേരത്തെ മുന്നറിയിപ്പ് നല്‍കിയിരുന്നെന്ന് വി.മുരളീധരന്‍
