തിരുവനന്തപുരം: സംസ്ഥാനത്ത് 5,659 പേര്ക്ക് കൂടി കൊവിഡ് സ്ഥിരീകരിച്ചു. 5,146 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 393 പേരുടെ സമ്പര്ക്ക ഉറവിടം വ്യക്തമല്ല. 20 കൊവിഡ് മരണങ്ങൾ കൂടി സ്ഥിരീകരിച്ചു. ഇതോടെ ആകെ മരണം 3,663 ആയി. കഴിഞ്ഞ 24 മണിക്കൂറിനിടെ 51,130 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 11.07 ആണ്.
24 മണിക്കൂറിനിടെ യു.കെയില് നിന്നും വന്ന ആര്ക്കും കൊവിഡ് സ്ഥിരീകരിച്ചിട്ടില്ല. ഇതുവരെ യു.കെയില് നിന്നും വന്ന 71 പേര്ക്കാണ് കൊവിഡ് സ്ഥിരീകരിച്ചത്. ഇവരില് 45 പേരുടെ പരിശോധനാഫലം നെഗറ്റീവായി. ആകെ പത്ത് പേരിലാണ് ജനിതകമാറ്റം വന്ന വൈറസിനെ കണ്ടെത്തിയത്. രോഗം സ്ഥിരീകരിച്ചവരില് 77 പേര് സംസ്ഥാനത്തിന് പുറത്തുനിന്നും വന്നവരാണ്. ആകെ 2,14,315 പേർ നിരീക്ഷണത്തിൽ തുടരുന്നു. ഇവരില് 2,02,196 പേര് വീടുകളിലും ഇന്സ്റ്റിറ്റ്യൂഷണല് ക്വാറന്റൈനിലും 12,119 പേര് ആശുപത്രികളിലും നിരീക്ഷണത്തിലാണ്. 1,269 പേരെ ഇന്ന് ആശുപത്രിയില് പ്രവേശിപ്പിച്ചു.
രോഗം സ്ഥിരീകരിച്ചവരുടെ ജില്ല തിരിച്ചുള്ള കണക്ക്
എറണാകുളം 879, കോഴിക്കോട് 758, കോട്ടയം 517, കൊല്ലം 483, മലപ്പുറം 404, പത്തനംതിട്ട 397, ആലപ്പുഴ 360, കണ്ണൂര് 357, തിരുവനന്തപുരം 353, തൃശൂര് 336, ഇടുക്കി 305, വയനാട് 241, പാലക്കാട് 185, കാസർകോട് 84 എന്നിങ്ങനെയാണ് രോഗം സ്ഥിരീകരിച്ചത്.
രോഗം സ്ഥിരീകരിച്ച ആരോഗ്യപ്രവർത്തകരുടെ ജില്ല തിരിച്ചുള്ള കണക്ക്