കൊവിഡ് 19; പിഎസ്‌സി പരീക്ഷകൾ മാറ്റി

ഏപ്രിൽ 14 വരെയുള്ള മുഴുവൻ പരീക്ഷകളും മാറ്റി വച്ചതായി പി എസ് സി. കൊവിഡ് പശ്ചാത്തലത്തിലാണ് പി എസ് സി പരീക്ഷകൾ മാറ്റിയത്. കൂടുതൽ കൊവിഡ് കേസുകൾ' റിപ്പോർട്ട് ചെയ്യുന്ന സാഹചര്യത്തിലാണ് പി എസ് സിയുടെ തീരുമാനം.

തിരുവനന്തപുരം; കൊവിഡ് പശ്ചാത്തലത്തിൽ പി എസ് സി പരീക്ഷകൾ മാറ്റി. ഏപ്രിൽ 14 വരെയുള്ള മുഴുവൻ പരീക്ഷകളും മാറ്റി വച്ചതായി പി എസ് സി അറിയിച്ചു. അഭിമുഖങ്ങളും മാറ്റിയിട്ടുണ്ട്. കൊവിഡിനെ തുടർന്ന് സംസ്ഥാന സർക്കാർ കർശന നിയന്ത്രണങ്ങൾ കൊണ്ടു വന്നപ്പോഴും പി എസ് സി പരീക്ഷകളും അഭിമുഖങ്ങളും മാറ്റി വച്ചിരുന്നില്ല. എന്നാൽ സംസ്ഥാനത്ത് കൂടുതൽ കൊവിഡ് കേസുകൾ റിപ്പോർട്ട് ചെയ്യുന്ന സാഹചര്യത്തിലാണ് പി എസ് സി തീരുമാനം.