തിരുവനന്തപുരം : മുഖ്യമന്ത്രി പിണറായി വിജയൻ നാല് മാസം മുൻപ് നടത്തിയ ഓണ സദ്യയ്ക്ക് 7.86 ലക്ഷം രൂപ കൂടി അനുവദിച്ചു (CM Pinarayi Vijayan Onam feast extra funds granted). ഈ മാസം 13നാണ് ട്രഷറി നിയന്ത്രണങ്ങളിൽ ഇളവ് വരുത്തി അധിക ഫണ്ട് അനുവദിച്ചത്. പൗരപ്രമുഖർക്ക് ഓഗസ്റ്റ് 26 ന് നിയമസഭ മന്ദിരത്തിൽവച്ചായിരുന്നു മുഖ്യമന്ത്രി ഓണ സദ്യ ഒരുക്കിയത്.
ഇതിനായി നവംബർ 8ന് 19 ലക്ഷം രൂപ അനുവദിക്കുകയും ചെയ്‌തിരുന്നു. ഇതിന് പിന്നാലെയാണ് ഇപ്പോൾ അധിക ഫണ്ടായി 7.86 ലക്ഷം രൂപ കൂടി അനുവദിച്ചിരിക്കുന്നത്. ഇതോടെ ഓണ സദ്യയ്ക്ക് ആകെ ചെലവ് 26.86 ലക്ഷം രൂപയായി (CM Pinarayi Vijayan's Onam feast total cost).
Also Read: നവകേരള സദസ്: പരാതികള്‍ തീര്‍പ്പാക്കുന്നത് സംബന്ധിച്ച ചര്‍ച്ചകള്‍ക്കായി ഇന്ന് യോഗം
അഞ്ച് തരം പായസം ഉൾപ്പടെ 65 തരം വിഭവങ്ങൾ ഉൾപ്പെടുന്ന വിപുലമായ ഓണസദ്യയായിരുന്നു മുഖ്യമന്ത്രി ഒരുക്കിയത്. അതേസമയം ഓണ സദ്യയ്ക്ക് എത്ര പേർ പങ്കെടുത്തു എന്ന കണക്ക് സർക്കാർ പുറത്തുവിട്ടിട്ടില്ല. സ്‌പീക്കർ എ എൻ ഷംസീർ നിയമസഭയിൽ ഒരുക്കിയതിന് പുറമെയായിരുന്നു മുഖ്യമന്ത്രിയുടെ ഓണസദ്യ. മാത്രമല്ല പുതുവർഷ പിറവിയോടനുബന്ധിച്ച് ജനുവരി 3ന് മസ്‌കറ്റ് ഹോട്ടലില്‍ മുഖ്യമന്ത്രി വിരുന്നൊരുക്കുന്നുണ്ട് (CM Pinarayi Vijayan new year feast).
