തിരുവനന്തപുരം: ധനമന്ത്രി തോമസ് ഐസക്കിന് എതിരായ സിഎജി റിപ്പോർട്ട് ചോർച്ചയിൽ എത്തിക്‌സ് കമ്മിറ്റി റിപ്പോർട്ട് ബുധനാഴ്‌ച നിയമസഭയിൽ വയ്ക്കും. റിപോർട്ട് ചോർത്തിയെന്ന പരാതിയില്‍ തോമസ് ഐസക്കിന് എത്തിക്‌സ് കമ്മിറ്റി ക്ലീൻചിറ്റ് നൽകിയേക്കുമെന്നാണ് സൂചന .
സിഎജി റിപ്പോർട്ടിലെ ഉള്ളടക്കം വാർത്താ സമ്മേളനത്തിലൂടെ പുറത്തുവിട്ടു എന്നാണ് മന്ത്രിക്കെതിരെ വി.ഡി. സതീശൻ എം.എൽ.എ നൽകിയ അവകാശ ലംഘന പരാതി. എ.പ്രദീപ്‌ കുമാർ എം.എൽ.എ ചെയർമാനായ എത്തിക്‌സ് കമ്മിറ്റി തോമസ് ഐസക്കിൽ നിന്നും വി. ഡി സതീശനിൽ നിന്നും വിശദീകരണം തേടിയിരുന്നു.
