തിരുവനന്തപുരം : സംസ്ഥാനത്തെ പൊതുമരാമത്ത് വകുപ്പിന് കീഴിലുള്ള കരാറുകാർക്ക് ബോണസ് നൽകുമെന്ന പ്രഖ്യാപനവുമായി സർക്കാർ. ഏറ്റെടുത്തവ സമയബന്ധിതമായി പൂർത്തിയാക്കുകയും വകുപ്പ് നിശ്ചയിച്ച എല്ലാ മാനദണ്ഡങ്ങളും പാലിക്കുകയും ചെയ്യുന്ന കരാറുകാർക്കാണ് ബോണസ് നൽകുകയെന്ന് മന്ത്രി മുഹമ്മദ് റിയാസ് വ്യക്തമാക്കി.
Also Read: എതിരില്ലാതെ രാജ്യസഭ സ്ഥാനാർഥികള്‍: ഔദ്യോഗിക പ്രഖ്യാപനം ഇന്ന്
2022-23 സാമ്പത്തിക വർഷത്തിൽ തന്നെ പദ്ധതി നടപ്പാക്കാനാണ് പൊതുമരാമത്ത് വകുപ്പിന്‍റെ തീരുമാനം. പ്രവൃത്തികള്‍ നല്ല രീതിയിൽ മുന്നോട്ടുപോകുന്നതിനുള്ള ഊർജമാകും തീരുമാനമെന്ന് മന്ത്രി മുഹമ്മദ് റിയാസ് പറഞ്ഞു. വകുപ്പിൽ സുതാര്യത എന്ന കാഴ്ചപ്പാടിന്‍റെ ഭാഗമായാണ് ഈ നീക്കം.
ഇതുസംബന്ധിച്ച് ഉത്തരവ് ഉടൻ പുറത്തിറങ്ങുമെന്നും മന്ത്രി കൂട്ടിച്ചേര്‍ത്തു. കരാറുകാർക്ക് പുതിയ സാങ്കേതികവിദ്യ മനസിലാക്കുന്നതിനായി പരിശീലനം നൽകാനും പൊതുമരാമത്ത് വകുപ്പ് തീരുമാനിച്ചിട്ടുണ്ട്. കെ.എച്ച്.ആർ.ഐ ആണ് കരാറുകാർക്ക് പരിശീലനം നൽകുക.
