തിരുവനന്തപുരം: കനകക്കുന്നിൽ പുരോഗമിക്കുന്ന പുഷ്‌പ-ഫല-സസ്യ പ്രദർശനത്തിൽ ശ്രദ്ധേയമായി ബോൺസായ് മരങ്ങൾ. വൻ വൃക്ഷങ്ങളായ ആലും പുളിയും പ്ലാവുമെല്ലാം കുഞ്ഞു മരങ്ങളായി ചട്ടിയിൽ വളരുന്നത് കാണാൻ വിദ്യാർഥികളാണ് ഏറെയുമെത്തുന്നത്.
പുഷ്‌പ-ഫല-സസ്യ പ്രദർശനത്തിൽ ശ്രദ്ധേയമായി ബോൺസായ് മരങ്ങൾ
പാലോട് ട്രോപ്പിക്കൽ ബൊട്ടാണിക്കൽ ഗാർഡൻ, സെക്രട്ടേറിയറ്റ്, മ്യൂസിയം, വെള്ളായണി കാർഷിക കോളജ് എന്നിവിടങ്ങളിൽ നിന്നുള്ള 190 ബോൺസായ് മരങ്ങളാണ് മേളയിൽ പ്രദർശിപ്പിക്കുന്നത്. തണൽ വിരിക്കുന്ന വന്മരങ്ങളെ ചട്ടികളിലാക്കി വീടിന്റെ അകത്തളങ്ങളിലും വളർത്താമെന്നതാണ് ബോൺസായിയുടെ പ്രത്യേകത.
