തിരുവനന്തപുരം: കോന്നിയില്‍ ജനീഷ്‌കുമാറിനെ വിജയിപ്പിച്ചതില്‍ വലിയ പങ്ക് അയ്യപ്പനെന്ന് ദേവസ്വം മന്ത്രി കടകംപള്ളി സുരേന്ദ്രന്‍. തന്‍റെ പേരിൽ രാഷ്‌ട്രീയ ലാഭമുണ്ടാക്കാൻ ശ്രമിച്ച യുഡിഎഫിനും, ബിജെപിക്കും അയ്യപ്പൻ കൊടുത്ത ശിക്ഷയാണ് ജനീഷ്‌കുമാറിന്‍റെ വിജയമെന്നും ദേവസ്വംബോര്‍ഡിലെ സിപിഎം അനുകൂല സംഘടനയുടെ ആസ്ഥാന മന്ദിരത്തിന്റെ ഉദ്ഘാടന ചടങ്ങില്‍ ദേവസ്വം മന്ത്രി പറഞ്ഞു.
പത്തനംതിട്ടജില്ലയില്‍ കള്ളപ്രചാരണം നടത്തിയ യുഡിഎഫിന്‍റെ ഏക സീറ്റ് നഷ്ടപ്പെടുത്തിയത് അയ്യപ്പനാണെന്നും എല്ലാകാലത്തും കലക്കവെള്ളത്തില്‍ മീന്‍ പിടിക്കാമെന്നും കരുതിയവര്‍ക്കുള്ള മുന്നറിയിപ്പാണ് ഉപതിരഞ്ഞെടുപ്പ് ഫലമെന്നും കടകംപള്ളി സുരേന്ദ്രന്‍ പറഞ്ഞു.
ജനീഷ്‌കുമാറിനെ വിജയിപ്പിച്ചത് അയ്യപ്പനെന്ന് കടകംപള്ളി സുരേന്ദ്രന്‍
