തിരുവനന്തപുരം: ദേശീയ പ്രാധാന്യമുള്ള ചരിത്ര വിജയമാണ് നിയമസഭാ തെരഞ്ഞെടുപ്പില്‍ ഇടതു മുന്നണി നേടിയതെന്ന് സിപിഎം സംസ്ഥാന സെക്രട്ടറി എ. വിജയരാഘവന്‍. ബിജെപിക്കെതിരായ ബദല്‍ രാഷ്ട്രീയ നീക്കത്തിന് ശക്തി പകരാന്‍ ഈ വിജയം സഹായിക്കുമെന്നും വിജയരാഘവന്‍ അവകാശപ്പെട്ടു. 1957ലെ ഇടത് സര്‍ക്കാറിനെ അട്ടിമറിച്ച വിമോചന സമര ശക്തി ഇടത് ജയം തടയുന്നതിന് ശക്തമായ ശ്രമം ഈ തെരഞ്ഞെടുപ്പിലും നടത്തി.
ബിജെപിക്കെതിരായ ബദല്‍ രാഷ്ട്രീയ നീക്കത്തിന് വിജയം ശക്തി പകരും: എ.വിജയരാഘവന്‍
അന്നത്തേതുപോലെ വര്‍ഗീയ ശക്തികളെ ഏകോപിക്കാനാണ് യുഡിഎഫ് ശ്രമിച്ചത്. കേന്ദ്രത്തിലെ ബിജെപി സര്‍ക്കാറും ഏജന്‍സികളെ നിയമവിരുദ്ധമായി ഇടപെടുത്തി സംസ്ഥാനത്തെ വികസനത്തെ തടസപെടുത്താനാണ് ശ്രമിച്ചത്. ഇതിനെല്ലാമാണ് ജനം തെരഞ്ഞെടുപ്പില്‍ മറുപടി നല്‍കിയത്. പ്രകടന പത്രികയിലെ വാഗ്ദാനങ്ങളെല്ലാം പ്രവര്‍ത്തികമാക്കാന്‍ ശ്രമിക്കുമെന്നും വിജയരാഘവന്‍ പറഞ്ഞു.
