പത്തനംതിട്ട: നഗരത്തോട് ചേർന്നുള്ള വനിത ഹോസ്‌റ്റിലിന് മുന്‍പില്‍ നഗ്നത പ്രദര്‍ശനം നടത്തിയ രണ്ടുപേരില്‍ ഒരാള്‍ പിടിയില്‍. കൊടുമണ്‍ അങ്ങാടിക്കല്‍ സ്വദേശിയായ നന്ദനന്‍ (55) ആണ് അറസ്റ്റിലായത്. പിടിയിലായ നന്ദനന്‍റെ പേരില്‍ സ്ത്രീകളെ ശല്യംചെയ്‌തതിന് നേരത്തെയും കേസുള്ളതായി പൊലീസ് പറയുന്നു.
ഇരുചക്രവാഹനങ്ങളില്‍ എത്തിയാണ് പ്രതികള്‍ ഹോസ്റ്റലിലെ വനിതകള്‍ക്ക് മുന്‍പില്‍ നഗ്നത പ്രദര്‍ശനം നടത്തിയത്. രണ്ടാമത്തെ പ്രതിയ്‌ക്കായി തെരച്ചിൽ ഊര്‍ജിതമാക്കി. ഹെല്‍മറ്റും മാസ്‌കും ധരിച്ച പ്രതികള്‍ ഹോസ്റ്റലിന് മുന്‍പില്‍ വാഹനത്തില്‍ ഇരുന്നുകൊണ്ട് നഗ്നത പ്രദര്‍ശനം നടത്തുന്നത് തുടര്‍ച്ചയായ സംഭവമായിരുന്നു.
ALSO READ: വനിത ഹോസ്‌റ്റിലിന് മുമ്പിൽ പട്ടാപകൽ നഗ്നത പ്രദർശനം; ദൃശ്യങ്ങള്‍ പകര്‍ത്തി പൊലീസിന് കൈമാറി
ഇക്കഴിഞ്ഞ വെള്ളിയാഴ്ച പകൽ 11 മണിക്ക് ശേഷം വ്യത്യസ്‌ത സമയങ്ങളിൽ ഇരുചക്ര വാഹനങ്ങളിൽ എത്തി ഇവര്‍ വീണ്ടും നഗ്നത പ്രദര്‍ശിപ്പിച്ചു. ഹോസ്റ്റലിലെ വിദ്യാർഥികൾ ദൃശ്യങ്ങൾ മൊബൈലിൽ പകർത്തി പത്തനംതിട്ട പൊലീസിൽ പരാതി നൽകിയതോടെയാണ് ഉദ്യോഗസ്ഥര്‍ അന്വേഷണം നടത്തിയത്.
