പത്തനംതിട്ട: പോക്കുവരവിന് കൈക്കൂലി വാങ്ങിയതിന് വിജിലന്‍സ് അറസ്റ്റ് ചെയ്‌ത ഓമല്ലൂര്‍ വില്ലേജ് ഓഫിസര്‍ എസ്‌ കെ സന്തോഷ് കുമാറിനെ സസ്പെന്ഡ് ചെയ്‌തു. വ്യാഴാഴ്‌ച വാഴമുട്ടം സ്വദേശി ശിവപ്രസാദിന്‍റെ പരാതിയില്‍ പത്തനംതിട്ട വിജിലന്‍സ് ആന്‍റ് കറപ്ഷന്‍ ബ്യൂറോ ഡിവൈഎസ്‌പി ഹരിവിദ്യാധരന്‍റെ നേതൃത്വത്തിലാണ് സന്തോഷ് കുമാറിനെ പിടികൂടിയത്.
ശിവപ്രസാദിന്‍റെ അമ്മയുടെ പേരിലുളള വസ്‌തു അദ്ദേഹത്തിന്‍റെ പേരിലേക്ക് മാറ്റിയപ്പോള്‍ പോക്കുവരവ് ചെയ്യുന്നതിനായി വില്ലേജ് ഓഫീസറായ സന്തോഷ് 5000 രൂപ കൈക്കൂലി ആവശ്യപ്പെട്ടുവെന്നാണ് പരാതി. അത്രയും പണമില്ലെന്ന് അറിയിച്ചതോടെ 3000 രൂപ തരണമെന്ന് ആവശ്യപ്പെട്ടു.
Also read: പ്രായപൂർത്തിയാകാത്ത പെൺകുട്ടികൾക്ക് പീഡനം; 20കാരനും 48കാരനും അറസ്റ്റിൽ
വിജിലന്‍സ് നല്‍കിയ മാര്‍ക്ക് ചെയ്‌ത നോട്ടുകള്‍ വാങ്ങുന്നതിനിടെ സന്തോഷിനെ കൈയോടെ പിടികൂടുകയായിരുന്നു. ഇയാളില്‍ നിന്നും 3000 രൂപയും പിടിച്ചെടുത്തു.
