പത്തനംതിട്ട: കൊവിഡ്-19 രോഗ നിരീക്ഷണത്തിന്‍റെ ഭാഗമായി ഇറ്റലി, ഇറാന്‍, റിപ്പബ്ലിക് ഓഫ് കൊറിയ എന്നീ രാജ്യങ്ങളില്‍ നിന്നും എത്തുന്നവരെയും ഹോം ഐസൊലേഷനില്‍ ഉള്‍പ്പെടുത്തുമെന്ന് ജില്ലാ മെഡിക്കല്‍ ഓഫീസര്‍ ഡോ.എ.എല്‍ ഷീജ അറിയിച്ചു. ഈ രാജ്യങ്ങളില്‍ നിന്നും എത്തിയിട്ടുള്ള ആരെങ്കിലും ഉണ്ടെങ്കില്‍ ജില്ലാ മെഡിക്കല്‍ ഓഫീസിലെ കണ്‍ട്രോള്‍ റൂമിലോ, അടുത്തുള്ള ആരോഗ്യ കേന്ദ്രത്തിലോ അറിയിക്കണം.
ചൈന, ഹോങ്കോങ്ങ്, തായ്‌ലന്‍ഡ്, സിംഗപ്പൂര്‍, ജപ്പാന്‍, ദക്ഷിണകൊറിയ, വിയറ്റ്നാം, നേപ്പാള്‍, ഇന്തോനേഷ്യ, മലേഷ്യ എന്നീ രാജ്യങ്ങളില്‍ നിന്നുള്ള യാത്രക്കാരെയാണ് ഇതുവരെ നിരീക്ഷിച്ചിരുന്നത്. ഇതു കൂടാതെയാണ് ഇപ്പോള്‍ മൂന്നു രാജ്യങ്ങളില്‍ നിന്നുള്ളവരെ കൂടി ഉള്‍പ്പെടുത്തിയിട്ടുള്ളത്.
