പത്തനംതിട്ട: പായിപ്പാടിന് പിന്നാലെ തിരുവല്ല നഗരസഭാ പരിധിയിലും ലോക്ക് ഡൗൺ നിയന്ത്രണം ലംഘിച്ച് അതിഥി തൊഴിലാളികൾ. നഗരസഭയിലെ അഞ്ച്, ആറ് വാര്‍ഡുകളിലെ വിവിധ ഇടങ്ങളിലായി താമസിക്കുന്ന എണ്ണൂറോളം അതിഥി തൊഴിലാളികളാണ് നിയന്ത്രണം ലംഘിച്ചത്. അരിയൊഴിച്ചുളള ഭക്ഷണപദാര്‍ഥങ്ങള്‍ ലഭിക്കുന്നില്ലെന്നാണ് ഇവരുടെ പരാതി. ഇവർക്ക് ജോലി നല്‍കുന്ന കരാറുകാര്‍ തത്കാലം തൊഴിലാളികളുടെ കാര്യങ്ങള്‍ നോക്കണമെന്നാണ് ജില്ലാഭരണകൂടം നിര്‍ദ്ദേശിച്ചിരിക്കുന്നത്. ആദ്യഘട്ടത്തില്‍ കരാറുകാര്‍ ഇതിന് സമ്മതം മൂളിയിരുന്നു. എന്നാല്‍ കരാര്‍ പണികള്‍ നിലച്ചുകിടക്കുന്നതിനാല്‍ ഇത്രയും പേരുടെ ഭക്ഷണത്തിന് തുക കണ്ടെത്തുക പ്രയാസകരമാണെന്നാണ് മിക്ക കരാറുകാരുടേയും നിലപാട്. താലൂക്കിന്‍റെ മറ്റ് ഭാഗങ്ങളില്‍ താമസിച്ചിരുന്ന അതിഥി തൊഴിലാളികളില്‍ ബഹുഭൂരിപക്ഷവും നേരത്തെ തന്നെ സ്വന്തം ദേശങ്ങളിലേക്ക് മടങ്ങിയിരുന്നു.
തിരുവല്ലയിലും നിയന്ത്രണം ലംഘിച്ച് അതിഥി തൊഴിലാളികൾ
നഗരസഭയിലെ അഞ്ച്, ആറ് വാര്‍ഡുകളിലെ വിവിധ ഇടങ്ങളിലായി താമസിക്കുന്ന എണ്ണൂറോളം അതിഥി തൊഴിലാളികളാണ് ലോക്ക്ഡൗൺ നിയന്ത്രണം ലംഘിച്ചത്.
പത്തനംതിട്ട: പായിപ്പാടിന് പിന്നാലെ തിരുവല്ല നഗരസഭാ പരിധിയിലും ലോക്ക് ഡൗൺ നിയന്ത്രണം ലംഘിച്ച് അതിഥി തൊഴിലാളികൾ. നഗരസഭയിലെ അഞ്ച്, ആറ് വാര്‍ഡുകളിലെ വിവിധ ഇടങ്ങളിലായി താമസിക്കുന്ന എണ്ണൂറോളം അതിഥി തൊഴിലാളികളാണ് നിയന്ത്രണം ലംഘിച്ചത്. അരിയൊഴിച്ചുളള ഭക്ഷണപദാര്‍ഥങ്ങള്‍ ലഭിക്കുന്നില്ലെന്നാണ് ഇവരുടെ പരാതി. ഇവർക്ക് ജോലി നല്‍കുന്ന കരാറുകാര്‍ തത്കാലം തൊഴിലാളികളുടെ കാര്യങ്ങള്‍ നോക്കണമെന്നാണ് ജില്ലാഭരണകൂടം നിര്‍ദ്ദേശിച്ചിരിക്കുന്നത്. ആദ്യഘട്ടത്തില്‍ കരാറുകാര്‍ ഇതിന് സമ്മതം മൂളിയിരുന്നു. എന്നാല്‍ കരാര്‍ പണികള്‍ നിലച്ചുകിടക്കുന്നതിനാല്‍ ഇത്രയും പേരുടെ ഭക്ഷണത്തിന് തുക കണ്ടെത്തുക പ്രയാസകരമാണെന്നാണ് മിക്ക കരാറുകാരുടേയും നിലപാട്. താലൂക്കിന്‍റെ മറ്റ് ഭാഗങ്ങളില്‍ താമസിച്ചിരുന്ന അതിഥി തൊഴിലാളികളില്‍ ബഹുഭൂരിപക്ഷവും നേരത്തെ തന്നെ സ്വന്തം ദേശങ്ങളിലേക്ക് മടങ്ങിയിരുന്നു.
TAGGED:
latest pathanamthitta
