പത്തനംതിട്ട: പെരുമഴയെ തുടര്‍ന്ന് ആറ്റിലുണ്ടായ കുത്തൊഴുക്കിൽ അകപ്പെട്ട തോണി യാത്രക്കാരുടെ ഭീതിയുണർത്തുന്ന ദൃശ്യങ്ങൾ. കോന്നി മങ്ങാരം തൂക്കുപാലത്തിനു സമീപം ഞായറാഴ്ചയാണ് സംഭവം. ഒഴുക്കിൽപ്പെട്ട വള്ളത്തില്‍ മൂന്നു പേരാണുണ്ടായിരുന്നത്.
ആറ്റിലുണ്ടായ കുത്തൊഴുക്കിൽ അകപ്പെട്ട് തോണി യാത്രക്കാര്‍.
ഇവര്‍ ജീവരക്ഷാര്‍ഥം തോണി തുഴയുന്നത് ദൃശ്യത്തില്‍ വ്യക്തമാണ്. തൂക്കു പാലത്തിൽ നിൽക്കുന്നവർ വള്ളത്തിലുള്ളവർക്ക് രക്ഷപ്പെടാനുള്ള നിർദേശങ്ങൾ നൽകുന്നത് കേൾക്കാം. തോണി തീരത്തോട് ചേർത്ത് വിടാൻ മൂവര്‍ക്കും കഴിഞ്ഞെങ്കിലും പൊടുന്നനെ വള്ളം ചുഴിയിൽപ്പെട്ട് മറിഞ്ഞു.
ALSO READ: മണ്ഡല മകരവിളക്ക്; എരുമേലി മുതല്‍ സന്നിധാനം വരെ 24 മണിക്കൂറും ആരോഗ്യ സേവനങ്ങള്‍
ആളപായം സംഭവിച്ചുവെന്ന് കണ്ടുനിന്നവര്‍ ഒന്നടങ്കം കരുതി. എന്നാല്‍, എല്ലാവരെയും അത്ഭുതപ്പെടുത്തിക്കൊണ്ട് മൂവരും ജീവിതത്തിലേക്ക് നടന്നുകയറുകയാണുണ്ടായത്.
