പത്തനംതിട്ട: ഡോ. ജോസഫ് മാർത്തോമ്മ മെത്രാപ്പൊലീത്തയുടെ കബറടക്കം നാളെ വൈകിട്ട് മൂന്ന് മണിക്ക് നടക്കും. സഭാ ആസ്ഥാനത്തെ സെന്‍റ് തോമസ് മാർത്തോമ്മ പള്ളിയിലെ ശുശ്രൂഷകൾക്ക് ശേഷം പള്ളിയോട് ചേർന്നുള്ള സെമിത്തേരിയിൽ കബറടക്കം നടക്കും.
ഇന്ന് വൈകിട്ട് മൂന്നിന് സഭാ കൗൺസിൽ യോഗം ചേരുന്നുണ്ട്. മുൻ മുഖ്യമന്ത്രി ഉമ്മൻ ചാണ്ടി രാവിലെ ആറിന് ആശുപത്രിയിൽ എത്തി അന്തിമോപചാരം അർപ്പിച്ചിരുന്നു. മാർത്തോമ്മാ ഓഡിറ്റോറിയത്തിൽ പൊതു ദർശനത്താ വെച്ചിരിക്കുന്ന മൃതദേഹത്തിൽ മുൻ രാജ്യസഭാ ഉപാധ്യക്ഷൻ പ്രൊഫ. പി.ജെ കുര്യൻ, ആന്‍റോ ആന്‍റണി എംപി, എം.എൽ.എ മാരായ വീണാ ജോർജ്, തിരുവഞ്ചൂർ രാധാകൃഷ്ണൻ തുടങ്ങിയ നിരവധി പ്രമുഖർ അന്തിമോപചാരം അർപ്പിച്ചു.
