പത്തനംതിട്ട: കൂട്ടുകാർക്കൊപ്പം മണിമലയാറ്റില്‍ കുളിക്കാനിറങ്ങിയ എന്‍ജിനീയറിങ് വിദ്യാര്‍ഥി മുങ്ങി മരിച്ചു. തിരുവനന്തപുരം അതിയന്നുര്‍ കണ്ണറവിളയിലെ വൈശാഖം വീട്ടില്‍ വൈശാഖ് വി വിന്‍സെന്‍റാണ് (19) മരിച്ചത്. ഇന്നലെ വൈകിട്ട് 4 മണിയ്ക്ക് മണിമലയാറ്റിലെ കല്ലൂപ്പാറ കുറഞ്ഞൂർ കടവിലായിരുന്നു അപകടം.
കൂട്ടുകാർക്കൊപ്പം കുളിക്കാനിറങ്ങിയ വൈശാഖ് വെള്ളത്തിൽ മുങ്ങിപ്പോവുകയായിരുന്നു. കൂടെയുള്ളവര്‍ ബഹളം വെച്ചതോടെ ഓടിക്കൂടിയ നാട്ടുകാരും വിവരമറിഞ്ഞെത്തിയ അഗ്നിരക്ഷാ സേനയുമാണ് വൈശാഖിനെ കരയിലെത്തിച്ചത്. കല്ലൂപ്പാറ എന്‍ജിനീയറിങ് കോളജില്‍ ഒന്നാം വര്‍ഷ ഇലക്‌ട്രിക്കല്‍ എന്‍ജിനീയറിങ് വിദ്യാര്‍ഥിയാണ് വൈശാഖ്.
