പത്തനംതിട്ട : മൈലപ്ര - മേക്കൊഴൂര്‍ റോഡില്‍ തടിലോറി നിയന്ത്രണം വിട്ട് ഓട്ടോറിക്ഷയ്ക്ക് മുകളിലേക്ക് മറിഞ്ഞ് ഓട്ടോ ഡ്രൈവര്‍ മരിച്ചു. റാന്നി ഉതിമൂട് മാമ്പാറയില്‍ ഷൈജുവാണ് (40) മരിച്ചത്. ഓട്ടോറിക്ഷയിലുണ്ടായിരുന്ന ഉതിമൂട് കോയിക്കോട്ട് രാജേഷ് (40), ലോറിയില്‍ ഉണ്ടായിരുന്ന കുമ്പഴ തറയില്‍ ജയന്‍ (35) എന്നിവരെ ഗുരുതര പരിക്കുകളോടെ കോട്ടയം മെഡിക്കല്‍ കോളജില്‍ പ്രവേശിപ്പിച്ചു.
ALSO READ:ഒറ്റപ്പെട്ട കനത്ത മഴയ്ക്ക് സാധ്യത ; അഞ്ച് ജില്ലകളില്‍ യെല്ലോ അലര്‍ട്ട്
ഇന്നലെ രാത്രി ഏഴോടെ പട്ടാംകുഴി പുതുവേലിപ്പടിയിലായിരുന്നു അപകടം. ഓട്ടോറിക്ഷ ലോറിക്കടിയില്‍പ്പെട്ടതോടെ രക്ഷാപ്രവര്‍ത്തനം വൈകി. പത്തനംതിട്ടയില്‍ നിന്നും ഫയര്‍ഫോഴ്‌സ് എത്തി ഏറെ പണിപ്പെട്ടാണ് ആളുകളെ പുറത്തെടുത്തത്. ഉടന്‍തന്നെ പത്തനംതിട്ട ജനറല്‍ ആശുപത്രിയിലെത്തിച്ചെങ്കിലും ഷൈജു മരിച്ചിരുന്നു.
