പാലക്കാട്: സ്വർണ കള്ളക്കടത്ത് കേസിൽ മന്ത്രി കെടി ജലീൽ രാജി വയ്ക്കണമെന്നാവശ്യപ്പെട്ട് പാലക്കാട് മഹിളാ മോർച്ച നടത്തിയ കലക്ട്രേറ്റ് മാർച്ചിൽ സംഘർഷം. പ്രകടനമായെത്തിയ മഹിളാ മോർച്ച പ്രവർത്തകരെ പൊലീസ് കലക്ട്രേറ്റ് കവാടത്തിൽ തടഞ്ഞു. ഇതോടെ മൂന്ന് പ്രവർത്തകർ ബാരിക്കേഡ് മറികടന്ന് കലക്ട്രേറ്റ് വളപ്പിൽ കടന്നു. ഇവരെ പൊലീസ് അറസ്റ്റ് ചെയ്ത് നീക്കി. മഹിള മോർച്ച പ്രവർത്തകരും പൊലീസും തമ്മിൽ ഉന്തും തള്ളും ഉണ്ടായി. പ്രതിഷേധ മാർച്ച് ബിജെപി സംസ്ഥാന ജനറൽ സെക്രട്ടറി സി കൃഷ്ണകുമാർ ഉദ്ഘാടനം ചെയ്തു. മന്ത്രി ജലീൽ രാജി വയ്ക്കാതെ സമരക്കാരെ തെരുവിൽ നേരിടാനാണ് സർക്കാർ ശ്രമിക്കുന്നതെങ്കിൽ വൻ തിരിച്ചടി നേരിടേണ്ടി വരുമെന്ന് അദ്ദേഹം പറഞ്ഞു.
പാലക്കാട് മഹിളാ മോർച്ച നടത്തിയ കലക്ട്രേറ്റ് മാർച്ചിൽ സംഘർഷം
