ഒലവക്കോട് താനാവിലെ രാജീവ് നഗർ കോളനിയിൽ താമസിക്കുന്ന 14 കുടുംബങ്ങൾക്കാണ് ഇതുവരെയും പട്ടയം ലഭിക്കാത്തത്. ഇവർ താമസിക്കുന്നത് റെയിൽവേ ഭൂമിയിൽ ആണെന്ന കാരണം ഉന്നയിച്ചാണ് തഹസിൽദാർ പട്ടയം നിഷേധിച്ചത്. 2013ൽ മനുഷ്യാവകാശ കമ്മീഷൻ ഇവർ ക്ക് പട്ടയം നൽകാൻ ഉത്തരവിറക്കുക ഉണ്ടായി. എന്നാൽ ഉത്തരവ് പാലിക്കപ്പെട്ടില്ല.
പട്ടയമില്ലാത്തതിനാൽ മറ്റ് ആനുകൂല്യങ്ങൾ ലഭിക്കുന്നില്ലെന്നാതാണ് ഇവരുടെ പരാതി. അധികൃതരോട് കോളനിക്കാരുടെ അവസ്ഥ പലതവണ അറിയിച്ചെങ്കിലും അവഗണനയായിരുന്നു മറുപടി. ഇത്തവണത്തെ പ്രളയം ഇവരുടെ ജീവിതം കൂടുതൽ ദുരിതപൂർണമാക്കി. പ്രളയത്തിൽ വീടുകൾ തകർന്നെങ്കിലും മതിയായ രേഖകളില്ലാത്തതിനാൽ സഹായധനം ലഭിച്ചിട്ടില്ല. കുടിവെള്ള ലഭ്യത കുറവാണ് മറ്റൊരു പ്രശ്നം. രാജീവ് നഗറിനു ചുറ്റും മാലിന്യക്കൂമ്പാരം ആണ്. റെയിൽവേസ്റ്റേഷനും വീടുകൾക്കും ഇടയിൽ അഴുക്കുവെള്ളം നിറഞ്ഞ കുളം വൃത്തിയാക്കണമെന്ന ഇവരുടെ ആവശ്യവും അധികൃതർ കേട്ട മട്ടില്ല.
