പാലക്കാട്: പാലക്കാട് നഗരസഭയിലെ യു.ഡി.എഫ് കൗൺസിലർമാർക്കെതിരെയുള്ള പരാതി തെരഞ്ഞെടുപ്പ് കമ്മീഷൻ തള്ളി. പാലക്കാട് നഗരസഭയിലെ യു.ഡി.എഫിന്‍റെ ആറ് കൗൺസിലർമാർ വിപ്പ് ലംഘിച്ചെന്ന് കാണിച്ച് ബി.ജെ.പി ജില്ലാ നേതൃത്വം നൽകിയ പരാതിയാണ് തെരഞ്ഞെടുപ്പ് കമ്മീഷൻ തള്ളിയത്.
ബി.ജെ.പി ജില്ലാ പ്രസിഡന്‍റ് പൊതുജനങ്ങളോട് മാപ്പ് പറയണം: വി.കെ ശ്രീകണ്ഠൻ
വ്യാജ പ്രചാരണത്തിന് നേതൃത്വം നൽകിയ ബി.ജെ.പി ജില്ലാ പ്രസിഡന്‍റ് പൊതുജനങ്ങളോട് മാപ്പ് പറയണമെന്ന് ഡി.സി.സി പ്രസിഡന്‍റ് വി.കെ ശ്രീകണ്ഠൻ എം.പി വാർത്ത സമ്മേളനത്തിൽ ആവശ്യപ്പെട്ടു. ബി.ജെ.പിയുടെ കെടുകാര്യസ്ഥ ഭരണത്തിനെതിരെ ശക്തമായ പ്രക്ഷോഭം നടത്തുമെന്നും ശ്രീകണ്ഠൻ എം.പി അറിയിച്ചു.
