മലപ്പുറം: തിരൂരിൽ പൂട്ടിക്കിടന്ന വീട് കുത്തി തുറന്ന് മോഷണം നടത്തിയ കേസില്‍ മൂന്നുപേര്‍ പിടിയില്‍. തിരൂർ പൂക്കയിൽ സുരേന്ദ്രൻ (36)തിരൂർ പൂക്കയിൽ സ്വദേശി പാറപറമ്പിൽ ബിബീഷ് (34) ചാണകത്തിൽ പറമ്പിൽ അബ്ദുൽകരീം (31) എന്നിവരാണ് അറസ്റ്റിലായത്. മോഷണം നടന്ന് മൂണിക്കൂറുകൾകൊണ്ടാണ് പ്രതികളെ പൊലീസ് അറസ്റ്റ് ചെയ്തത്. തിരുർ പൂക്കയിൽ ഉണ്ണിയാൽ റോഡിലെ മുബാറക്കിന്റെ പൂട്ടിക്കിടന്ന വീട്ടിലായിരുന്നു മോഷണം. ശേഷം ആപ്പ ഗൂഡ്‌സ് ഓട്ടോയില്‍ മോഷണ മുതല്‍ കടത്തുകയായിരുന്നു. ഇതിനിടെയാണ് പൊലീസിന്‍റെ വലയിലാകുന്നത്. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തു.
തിരൂരില്‍ വീട് കുത്തി തുറന്ന് മോഷണം; മൂന്ന് പേര്‍ അറസ്റ്റില്‍
