ആറ് ദിവസം പഴക്കമുള്ള കാട്ടാനയുടെ ജഡം കണ്ടെത്തി

പത്ത് വയസുള്ള കാട്ടാനയുടെ ജഡം പന്തീരായിരം വനമേഖലയിൽ നിന്നാണ് കണ്ടെത്തിയത്.

മലപ്പുറം : ആറ് ദിവസം പഴക്കമുള്ള കാട്ടാനയുടെ ജഡം പന്തീരായിരം വനമേഖലയിൽ നിന്നും കണ്ടെത്തി. മതിൽ മൂലയിൽ നിന്നും രണ്ടര കിലോമീറ്റർ ഉള്ളിൽ സുത്താൻപെട്ടിയിലാണ്, തോടിൽ ചരിഞ്ഞ നിലയിൽ കാട്ടാനയുടെ ജഡം കണ്ടെത്തിയത്. പത്ത് വയസുള്ള കാട്ടാനയാണ് ചെരിഞ്ഞത്. എടവണ്ണ റെയ്ഞ്ച് ഓഫീസർ ഇംറോസ് ഇല്യാസ് നവാസ് ഇൻക്വസ്റ്റ് നടപടികള്‍ പൂര്‍ത്തിയാക്കി. വനം വകുപ്പ് വെറ്ററിനറി സർജൻ ഡോ.അരുൺ സഖറിയ പോസ്റ്റ്‌മോർട്ടം നടത്തി ജഡം ദഹിപ്പിച്ചു. വീഴ്ച്ചയിൽ അപകടം സംഭവിച്ചതാകാമെന്നാണ് നിഗമനം.