മലപ്പുറം: രണ്ടു ദിവസമായി തുടരുന്ന കടലാക്രമണം രൂക്ഷമായതോടെ പൊന്നാനിയിൽ തീര ദേശവാസികളെ ഒഴിപ്പിച്ചു. എം ഐ ബോയ്സ് ഹൈസ്കൂളിൽ നഗരസഭ - റവന്യൂ വകുപ്പ് എന്നിവയുടെ നേതൃത്വത്തിൽ ക്യാമ്പ് ആരംഭിച്ചു. അഴീക്കല്‍ മുതല്‍ പുതുപൊന്നാനി ഭാഗത്തും വെളിയങ്കോട്, പെരുമ്പടപ്പ് പഞ്ചായത്തിലെ തീരദേശ മേഖലയിലുമാണ് കടലാക്രമണം രൂക്ഷമായിരിക്കുന്നത്. കടല്‍ഭിത്തികള്‍ ഇല്ലാത്ത ഭാഗങ്ങളിലാണ് കടലാക്രമണം രൂക്ഷം. കടൽവെള്ളം വീടുകളിലേക്ക് കയറിയതോടെ ജനജീവിതം ദുസഹമായി. തിരയെ പ്രതിരോധിക്കാന്‍ ചാക്കുകളില്‍ മണല്‍ നിറച്ച് വീടിന് മുന്നില്‍ ഇടുന്നുണ്ടെങ്കിലും ശക്തമായ തിരയില്‍ ഇവയും കടലെടുക്കുകയാണ്.
പൊന്നാനിയിൽ കടലാക്രമണം രൂക്ഷം തീരവാസികളെ ഒഴിപ്പിച്ചു
