പൗരത്വ ഭേദഗതി നിയമം; പ്രതിഷേധിച്ച് ആയിരങ്ങൾ

എസ്.വൈ.എസ് ചെറുവട്ടൂർ യൂണിറ്റ് സംഘടിപ്പിച്ച റാലിയിൽ സ്ത്രീകളും കുട്ടികളും ഉൾപ്പെടെയുള്ളവർ പങ്കെടുത്തു.

മലപ്പുറം: പൗരത്വ ഭേദഗതി നിയമം പിൻവലിക്കണമെന്ന് ആവശ്യപ്പെട്ടുകൊണ്ട് കിഴുപറമ്പ് പഞ്ചായത്തിൽ എസ്.വൈ.എസ് ചെറുവട്ടൂർ യൂണിറ്റ് സംഘടിപ്പിച്ച റാലിയിൽ സ്ത്രീകളും കുട്ടികളും ഉൾപ്പെടെ ആയിരങ്ങൾ പങ്കെടുത്തു. കുറ്റൂളിയിൽ നിന്ന് ആരംഭിച്ച റാലി പത്തനാപുരം പാലത്തിന് സമീപം സമാപിച്ചു.

ശേഷം നടന്ന പൊതുസമ്മേളനം ജെഎൻയു വിദ്യാർഥി നേതാവ് സുമീത്ത് സ്മോസ് ഉദ്ഘാടനം ചെയ്തു. ഏറനാട് മേഖല നാടക് സമിതിക്കു വേണ്ടി സന്തോഷ് തച്ചണ്ണ അവതരിപ്പിച്ച ഏകാംഗ നാടകവും വേദിയിൽ അരങ്ങേറി.