മലപ്പുറം: പെരിന്തൽമണ്ണയിൽ ദൃശ്യ എന്ന യുവതിയെ കൊലപ്പെടുത്തിയ സംഭവത്തിലെ പ്രതി വിനീഷ് ആത്മഹത്യക്ക് ശ്രമിച്ചു. ബുധനാഴ്‌ച രാത്രിയോടെയാണ് ആത്മഹത്യക്ക് ശ്രമിച്ചത്. മഞ്ചേരി ജയിലിൽ റിമാന്‍റിൽ കഴിയുകയായിരുന്ന വിനീഷ് ബുധനാഴ്‌ച രാത്രി കൊതുകുതിരി കഴിക്കുകയായിരുന്നു എന്നാണ് റിപ്പോർട്ടുകള്‍.
ദൃശ്യയെ കൊലപ്പെടുത്തിയ ശേഷം ആത്മഹത്യ ചെയ്യാനായിരുന്നു തന്‍റെ പദ്ധതിയെന്ന് വിനീഷ് മുൻപ് തന്നെ പൊലീസിന് മൊഴി നൽകിയിരുന്നു. വിനീഷിനെ കൂടുതൽ ചോദ്യം ചെയ്യാനായി കസ്‌റ്റഡിയിൽ വേണമെന്ന് പെരിന്തൽമണ്ണ പൊലീസ് ആവശ്യപ്പെട്ടിരുന്നു. അതിനിടെയാണ് ആത്മഹത്യ ശ്രമം. വിനീഷ് അപകടനില തരണം ചെയ്‌തതായാണ് ആശുപത്രി വൃത്തങ്ങൾ നൽകുന്ന വിവരം.
Also Read: ദൃശ്യയെ വിനീഷ് കുത്തിയത് 22 തവണ; മരണകാരണം മുറിവുകളും ആന്തരിക രക്തസ്രാവവും
പ്രണയം നിരസിച്ചതിന്‍റെ പേരിലാണ് ദൃശ്യയെ വിനീഷ് കൊലപ്പെടുത്തിയത്. ദൃശ്യയുടെ സഹോദരിക്കും ആക്രമണത്തിൽ പരിക്കേറ്റിരുന്നു. കൂടാതെ ദൃശ്യയുടെ പിതാവ് ബാലചന്ദ്രന്‍റെ കടയ്‌ക്കും വിനീഷ് തീ വച്ചിരുന്നു.
