മലപ്പുറം: നിലമ്പൂരില്‍ ഭീമന്‍ ഉടുമ്പിനെ പിടികൂടി. സി.എന്‍.ജി റോഡിലെ മുട്ടിക്കടവിന് സമീപത്താണ് നാലടി നീളവും പത്ത് കിലോയിലധികം ഭാരവുമുള്ള ഉടുമ്പിനെ വനംവകുപ്പ് ഉദ്യോഗസ്ഥര്‍ പിടികൂടിയത്. ചൊവ്വാഴ്‌ച രാവിലെ മുട്ടിക്കടവിനടുത്ത് റോഡ് മുറിച്ചു കടക്കുന്ന ഉടുമ്പിനെ കണ്ട യാത്രക്കാരാണ് വനംവകുപ്പിനെ വിവരമറിയിച്ചത്.
നിലമ്പൂരില്‍ ഭീമന്‍ ഉടുമ്പിനെ പിടികൂടി
ആര്‍.ആര്‍.ടിയിലെ ഫോറസ്റ്റ് ഉദ്യോഗസ്ഥന്‍ അബ്‌ദുള്‍ റഷീദ്, പാമ്പുപിടിത്ത വിദഗ്‌ധന്‍ അമ്പീസ്, ഡ്രൈവര്‍ തോമസ് എന്നിവരടങ്ങുന്ന സംഘമാണ് ഉടുമ്പിനെ പിടികൂടിയത്. പിടികൂടിയ ഉടുമ്പിനെ വൈകിട്ടോടെ അധികൃതര്‍ കാട്ടിലേക്കയച്ചു.
