യുവാവിനെ ലോഡ്‌ജിൽ തൂങ്ങി മരിച്ച നിലയിൽ കണ്ടെത്തി

ഏറെ വൈകിയിട്ടും മുറി തുറക്കാത്തതിനാൽ ജീവനക്കാർ നടത്തിയ പരിശോധനയിലാണ് മൃതദേഹം കണ്ടെത്തിയത്

മലപ്പുറം: ജില്ലിയിലെ എടപ്പാളിൽ യുവാവിനെ ലോഡ്ജിൽ തൂങ്ങി മരിച്ച നിലയിൽ കണ്ടെത്തി. വെള്ളിയാഴ്ച
വൈകുന്നേരത്തോടെ അടച്ചിട്ട മുറിയിലാണ് തൂങ്ങി മരിച്ച നിലയിൽ കണ്ടെത്തിയത്. തിരുവനന്തപുരം വാമനപുരം കളമച്ചൽ സ്വദേശി സന്ദീപ്( 36) ആണ് മരിച്ച നിലയിൽ കാണപ്പെട്ടത്. എടപ്പാളിലെ പട്ടാമ്പി റോഡിൽ ഒരു കോട്ടേഴ്‌സിലാണ് ഇയാൾ വ്യാഴാഴ്ച വൈകിട്ട് മുറിയെടുത്തത്. വെള്ളിയാഴ്‌ച ഏറെ വൈകിയിട്ടും മുറി തുറക്കാത്തതിനാൽ ജീവനക്കാർ നടത്തിയ പരിശോധനയിലാണ് മൃതദേഹം കണ്ടെത്തിയത്. ചങ്ങരംകുളം പൊലീസ് സ്ഥലത്തെത്തി നടപടിക്രമങ്ങൾക്ക് ശേഷം പോസ്റ്റുമോർട്ടത്തിനായി മൃതദേഹം പൊന്നാനി താലൂക്ക് ആശുപത്രിയിലേക്ക് മാറ്റി.