മലപ്പുറം: കാഞ്ഞിരപ്പുഴയുടെ ആഢ്യൻപാറ ഭാഗത്ത് ഉരുൾപൊട്ടല്‍. ആഢ്യൻപാറ ജല വൈദ്യുത പദ്ധതിക്ക് മുകളിലാണ് ഇന്ന് വൈകുന്നേരത്തോടെ ഉരുൾപൊട്ടൽ ഉണ്ടായതെന്നാണ് നിഗമനം. മലവെള്ളപ്പാച്ചിലിൽ കാഞ്ഞിരപ്പുഴയിൽ ജല വിതാനം ഉയർന്നു. അകമ്പാടം- എരുമമുണ്ട റോഡിലെ മതിൽ മൂല ഭാഗത്ത് വെള്ളം ഇരച്ച് കയറിയെങ്കിലും അൽപസമയത്തിനകം വെള്ളം കുറഞ്ഞതിനാൽ അപകടം ഒഴിവായി. എന്നാൽ മേഖലയിൽ കനത്ത മഴ തുടരുന്നതിനാൽ ആശങ്ക വർദ്ധിപ്പിക്കുന്നുണ്ട്.
ആഢ്യൻപാറയില്‍ ഉരുൾപൊട്ടല്‍; ആളപായമില്ല
2018ലും 2019ലും ഈ മേഖലയിൽ ചെറുതും വലുതുമായ നിരവധി ഉരുൾപൊട്ടലുകളാണ് ഉണ്ടായത്. 2018ൽ ഉരുൾപൊട്ടലിനെ തുടർന്ന് മതിൽ മൂലയിലെ 52 കുടുംബങ്ങളെ മാറ്റിപാർപ്പിച്ചിരുന്നു.
