മലപ്പുറം: വണ്ടൂരിൽ മുത്തശ്ശിയുടെ ആക്രമണത്തിനിരയായ കുട്ടിയുടെ തുടർ സംരക്ഷണ നടപടികൾ സ്വീകരിച്ചുവെന്ന് ചൈൽഡ് ലൈൻ. അടിയന്തരമായി കുട്ടിക്ക് വൈദ്യസഹായം നല്‍കണമെന്ന് ആവശ്യപ്പെട്ട് ഡിഎംഒക്ക് കത്ത് നൽകിയതായും ചെയ്ഡ് ലൈൻ കോർഡിനേറ്റർ അറിയിച്ചു.
മലപ്പുറത്ത് മൂന്നര വയസുകാരിക്ക് മര്‍ദ്ദനം: കുട്ടികളുടെ സംരക്ഷണം ചൈല്‍ഡ് ലൈന്
കഴിഞ്ഞദിവസം വൈകിട്ടോടെയാണ് മൂന്നര വയസുകാരിക്ക് മുത്തശ്ശിയില്‍ നിന്നും മർദ്ദനമേറ്റത്. വിവരങ്ങള്‍ അറിഞ്ഞെത്തിയ ചൈല്‍ഡ് ലൈൻ പ്രവര്‍ത്തകര്‍ തുടർ നടപടികൾ സ്വീകരിക്കുകയും ചെയ്തു. മൂന്നു കുട്ടികളെ ശിശുപരിപാലന കേന്ദ്രത്തിലേക്കും, അമ്മയേയും മര്‍ദ്ദനമേറ്റ കുട്ടിയേയും തവനൂരിലെ മഹിളാ മന്ദിരത്തിലേക്കും മാറ്റി. കുട്ടികളുടെ തുടർ സംരക്ഷണ നടപടികൾ ഏറ്റെടുത്തതായി ചൈൽഡ്‌ലൈൻ അറിയിച്ചു. സംഭവത്തിൽ വിശദമായ റിപ്പോര്‍ട്ട് സമര്‍പ്പിക്കാൻ ശിശുസംരക്ഷണ വകുപ്പിനോട് ജില്ലാ കലക്ടർ ആവശ്യപ്പെട്ടിട്ടുണ്ട്.
