മലപ്പുറം: പ്രകൃതി ചൂഷണങ്ങള്‍ക്കെതിരെ ശക്തമായ ഓർമ്മപ്പെടുത്തലായി മാറുകയാണ് മലപ്പുറം കോട്ടക്കുന്ന് ആർട്ട് ഗ്യാലറിയിൽ ഒരുക്കിയിരിക്കുന്ന നാച്ചുറൽ വാക്ക് ഫോട്ടോ പ്രദർശനം. ഫോട്ടോഗ്രാഫ്ഴേസ് അസോസിയേഷന്‍റെ സംഘടനയായ എ കെ പിയുടെ കീഴിലുള്ള 24 ഫോട്ടോഗ്രാഫർമാർ ഒപ്പിയെടുത്ത ചിത്രങ്ങളാണ് പ്രദർശനത്തിലുള്ളത്. മലയോര മേഖലയിലെ ദൃശ്യഭംഗിയും വറ്റിവരണ്ട കടലുണ്ടിപ്പുഴയും പ്രളയത്തിൽ നശിച്ച വീടുകളുമെല്ലാം പ്രകൃതിയുടെ നേർക്കാഴ്ചകളായി പ്രദർശനത്തിൽ നിറഞ്ഞു നിൽക്കുന്നു. രാജ്യത്തിന്‍റെ വിവിധ ഭാഗങ്ങളിൽ നിന്ന് പകർത്തിയ ചിത്രങ്ങളാണ് പ്രദർശനത്തിനായി ഒരുക്കിയിട്ടുള്ളത്. നാല് ദിവസങ്ങളിലായി നടക്കുന്ന ഫോട്ടോ പ്രദർശനം നാളെ സമാപിക്കും
വരൾച്ചയും പ്രളയവും നേർക്കാഴച്ചകളായി "നാച്ചുറൽ വാക്ക്" ചിത്രപ്രദർശനം
