മലപ്പുറം: കനത്ത മഴയെ തുടര്‍ന്ന് ജീവിതം വഴിമുട്ടിയ ഇതര സംസ്ഥാന തൊഴിലാളികള്‍ മറ്റൊരു ജീവിതമാര്‍ഗം കണ്ടെത്തി. പുഴയിലൂടെ ഒഴുകി വരുന്ന നാളികേരങ്ങള്‍ വലയില്‍ ശേഖരിച്ച് കടകളില്‍ വിറ്റഴിക്കും. നൂറിലധികം നാളികേരങ്ങളാണ് ഇവരുടെ വലയിൽ കുരുങ്ങിയത്. നിത്യ ചെലവിന് എങ്കിലും നാളികേരം വിറ്റു കിട്ടുന്ന പണം ഉണ്ടാകുമെന്ന പ്രതീക്ഷയിലാണ് ഈ തൊഴിലാളികൾ. കനത്ത മഴ പെയ്തതോടെ നിർമ്മാണ പ്രവർത്തികൾ നിർത്തിവെച്ചതാണ് തിരിച്ചടിയായത്. ഉപജീവനത്തിനായി ജില്ലയിലെത്തിയ തമിഴ്നാട് സ്വദേശികളാണ് ഇവരില്‍ ഭൂരിഭാഗവും. ജീവിതമാര്‍ഗം വഴിമുട്ടിയ സാഹചര്യത്തില്‍ മുന്നില്‍ കണ്ട മാര്‍ഗം ഉപജീവനത്തിനായി സ്വീകരിച്ചു.
കനത്ത മഴ നിര്‍മാണ തൊഴിലാളികളുടെ ജീവിതം പ്രതിസന്ധിയിലാക്കി
