മലപ്പുറം: ചുങ്കത്തറയില്‍ ചകിരി മില്ലിലെ ചകിരിക്ക് തീപിടിച്ചു. ഫയർ ഫോഴ്സും നാട്ടുകാരും പൊലീസും ചേർന്ന് തീ അണച്ചതിനാല്‍ വന്‍ ദുരന്തം ഒഴിവായി. കൈപ്പിനിയില്‍ രേഷ്മ, ഹംസ എന്നിവരുടെ ഉടമസ്ഥതയിലുള്ള പ്രിയ കയർ വർക്‌സിലാണ് തീപിടിത്തം ഉണ്ടായത്. ഉച്ചയ്‌ക്ക് ഒന്നരയോടെയാണ് സംഭവം. അര ഏക്കറോളം സ്ഥലത്തെ ചകിരി കത്തിനശിച്ചു.
ചുങ്കത്തറയില്‍ ചകിരി മില്ലില്‍ തീപിടിത്തം
നിലമ്പൂരില്‍ നിന്നെത്തിയ ഫയര്‍ഫോഴ്‌സ് സംഘമാണ് തീയണച്ചത്. സ്റ്റേഷൻ ഓഫീസർ എം. അബ്‌ദുള്‍ ഗഫൂർ, എസ്. എഫ്. ആർ. ഒ. ബി. സുനിൽ കുമാർ, എഫ്. ആർ. ഒ മാരായ എം. വി അനൂപ്, കെ. അഫ്സൽ, പി. ഇല്യാസ്, വി. സിസിൽ ദാസ്, എ. ശ്രീരാജ്, എഫ്. ആർ. ഒ ഡ്രൈവർമാരായ ആർ. സുമീർ കുമാർ, എ. കെ ബിപുൽ എന്നിവരടങ്ങിയ സംഘമാണ് തീയണച്ചത്.
