മലപ്പുറം: കൊവിഡ് പോസിറ്റീവ് ആയ രോഗി വീട്ടിൽ ചാരായം വാറ്റുന്നതിനിടയിൽ പിടിയിൽ. ചുങ്കത്തറ പഞ്ചായത്തിലെ കാട്ടിച്ചിറയിൽ കൃഷ്ണൻ(55) ആണ് എക്സൈസ്, പൊലീസ് എന്നിവരുടെ സംയുക്ത റെയ്ഡിൽ പിടിയിലായത്. പരിശോധനക്കിടെ പ്രതി കൊവിഡ് പോസിറ്റീവ് ആണെന്ന് നിലമ്പൂർ ജില്ല ആശുപത്രിയിൽ നിന്നും സന്ദേശം ലഭിച്ചതിനെ തുടർന്ന് പ്രതിയെ അറസ്റ്റിൽ നിന്ന് ഒഴിവാക്കി കേസ് എടുക്കുകയായിരുന്നു.
170 ലിറ്റർ വാഷ്, പ്ലാസ്റ്റിക് ബാരലുകൾ, ഗ്യാസ് സിലിണ്ടർ, ഗ്യാസ് അടുപ്പ്, അലൂമിനിയം കലങ്ങൾ തുടങ്ങി നിരവധി വാറ്റുപകരണങ്ങളും പ്രതിയിൽ നിന്ന് പിടിച്ചെടുത്തു. നിരവധി അബ്‌കാരി കേസുകളിൽ പ്രതിയാണ് പിടിയിലായ കൃഷ്ണൻ.
READ MORE: പൊലീസ് ഡ്രൈവറെ മർദിച്ച കേസ് : കുറ്റപത്രം നൽകുന്നതിൽ ക്രൈം ബ്രാഞ്ചിന് തീരുമാനമെടുക്കാമെന്ന് ഡിജിപി
നിലമ്പൂർ എക്സൈസ് സർക്കിൾ ഓഫീസിലെ പ്രിവന്‍റീവ് ഓഫീസർ എം ഹരികൃഷ്ണന്‍റെ നേത്യത്വത്തിൽ സിവിൽ എക്സൈസ് ഓഫിസർമാരായ അഖിൽദാസ്, രാകേഷ് ചന്ദ്രൻ, പി സി ജയൻ, വനിത ഓഫിസർ ഇ ഷീന, പോത്തുകല്ല് പൊലീസ് സ്റ്റേഷനിലെ സീനിയർ സിവിൽ പൊലീസ് ഓഫിസർ രാജേഷ് സി, സി പി ഒ മാരായ സലീൽ ബാബു, കൃഷ്ണദാസ് എന്നിവർ റെയ്ഡിൽ പങ്കെടുത്തു. പരിശോധനയില്‍ പങ്കെടുത്ത 6 എക്സൈസ് ഉദ്യോഗസ്ഥരും, മൂന്ന് പൊലീസുകാരും ക്വാറന്‍റൈനില്‍ പോകും.
