മലപ്പുറം: വാഴക്കാട് ഗ്രാമപഞ്ചായത്തിന്റെ നേതൃത്വത്തിൽ പൗരത്വ ഭേദഗതി നിയമത്തിനെതിരെ നടത്തുന്ന പ്രതിഷേധ റാലിയിൽ നിന്ന് ജാമിയ മിലിയ വിദ്യാർഥി ആയിഷാ റെന്നയെ മാറ്റി.
സിപിഎമ്മും പഞ്ചായത്തിലെ ഏഴ് അംഗങ്ങളും ആയിഷ റെന്ന ഉണ്ടെങ്കിൽ സഹകരിക്കില്ലന്ന് പറഞ്ഞതായി പ്രസിഡന്റ് കെ.എം ജമീല പറഞ്ഞു. ഇതേ ആവശ്യം പഞ്ചായത്തിൽ ഉന്നയിച്ചതായി സിപിഎം ഭാരവാഹി മോഹൻദാസ് പറഞ്ഞു. ആയിഷാ റെന്ന മുൻ ഗ്രാമ പഞ്ചായത്ത് പ്രസിഡന്റും കോൺഗ്രസ് നേതാവുമായ കെഎംഎ റഹ്മാന്റെ സഹോദരീപുത്രിയാണ്.