കോഴിക്കോട്: താമരശ്ശേരി ചുരം റോഡ് (എന്‍ എച്ച് 766) ശക്തിപ്പെടുത്തുന്നതിന്‍റെ ഭാഗമായി ഫെബ്രുവരി 15 മുതല്‍ മാര്‍ച്ച് 15 വരെ ഗതാഗത നിയന്ത്രണം. അടിവാരം (45/00) മുതല്‍ ലക്കിടി (57/00) വരെ ഗതാഗതം നിയന്ത്രിക്കും. വയനാട്ടിൽ നിന്ന് കോഴിക്കോട്ടേക്ക് വരുന്ന വാഹനങ്ങള്‍ കൈനാട്ടിയിൽ നിന്ന് തിരിഞ്ഞ് നാലാംമൈല്‍, പക്രന്തളം ചുരം വഴിയും, മലപ്പുറം ഭാഗത്തേക്കുള്ള വാഹനങ്ങള്‍ ഗുഡല്ലൂരില്‍ നിന്ന് നാടുകാണി ചുരം വഴിയും പോകണമെന്നാണ് നിർദേശം.
രാവിലെ അഞ്ച് മുതല്‍ രാത്രി പത്ത് വരെ എല്ലാവിധ ചരക്കുവാഹനങ്ങളും അടിവാരം മുതല്‍ ലക്കിടിവരെ പൂര്‍ണമായി നിരോധിച്ചു. ബസുകൾ രാവിലെ അഞ്ചുമുതല്‍ പത്ത് മണി വരെ അടിവാരം മുതല്‍ ലക്കിടി വരെ റീച്ചില്‍ പ്രവേശിക്കാന്‍ പാടുള്ളതല്ല. ഈ കാലയളവില്‍ അടിവാരം മുതല്‍ ലക്കിടി വരെ കെ.എസ്.ആര്‍.ടി.സി മിനിബസുകള്‍ ഏര്‍പ്പെടുത്തും.
