കോഴിക്കോട്: കരിപ്പൂരില്‍ പീഡനത്തിന് ഇരയായെന്ന് കൊറിയന്‍ യുവതിയുടെ പരാതി. കോഴിക്കോട് മെഡിക്കല്‍ കോളജിലെ ഡോക്‌ടറോടാണ് യുവതി പീഡന വിവരം പങ്കുവച്ചത്. ഡോക്‌ടറുടെ മൊഴിയിലാണ് പൊലീസ് കേസെടുത്തത്.
കരിപ്പൂർ വിമാനത്താവളത്തിൽ നിന്ന് മതിയായ രേഖകളില്ലാതെ പിടിയിലായ വിദേശ വനിതയാണ് പീഡനത്തിന് ഇരയായത്. മാനസികാസ്വാസ്ഥ്യം പ്രകടിപ്പിക്കുന്ന യുവതി കോഴിക്കോട് മെഡിക്കൽ കോളജ് ആശുപത്രിയിൽ ചികിൽസയിലാണ്. ആരാണ് പീഡിപ്പിച്ചത് എന്നതിൽ ഇനിയും വ്യക്തത വരണമെന്നും പരാതിയില്‍ കൂടുതല്‍ അന്വേഷണം ആവശ്യമെന്നും പൊലീസ് പറഞ്ഞു. യുവതിയുടെ രഹസ്യ മൊഴി രേഖപ്പെടുത്താനും സാധ്യതയുണ്ട്.
