'ലിംഗരാഷ്ട്രീയമല്ല, സമുദായരാഷ്ട്രീയമാണ് മുന്നോട്ടുവയ്ക്കുന്നതെന്ന് മറക്കരുത്' : 'ഹരിത'യോട് നൂര്‍ബിന

ലിംഗ ന്യൂനപക്ഷത്തിനായല്ല പ്രവര്‍ത്തനം, സമുദായ രാഷ്‌ട്രീയമാണ് ലീഗ് മുന്നോട്ടുവയ്ക്കുന്നതെന്നും നൂര്‍ബിന

കോഴിക്കോട് : കുടുംബത്തിന് വേണ്ടി ജീവിക്കുന്ന സ്ത്രീകളാണ് തന്‍റെ മാതൃകയെന്ന് വനിത ലീഗ് ദേശീയ ജനറല്‍ സെക്രട്ടറി നൂർബിന റഷീദ്. ഹരിത സംഘടിപ്പിച്ച സി.എച്ച് അനുസ്‌മരണ, ഏകദിന സെമിനാറില്‍ സംസാരിക്കവെയായിരുന്നു പരാമര്‍ശം.

ലിംഗ ന്യൂനപക്ഷത്തിനായല്ല പ്രവര്‍ത്തനമെന്ന് മറക്കരുത്. മുസ്ലിം ലീഗ് ലിംഗ രാഷ്ട്രീയത്തിനായല്ല നിലകൊള്ളുന്നത്. സമുദായ രാഷ്‌ട്രീയമാണ് മുന്നോട്ട് വയ്ക്കുന്നതെന്നും നൂര്‍ബിന പറഞ്ഞു.