നിർത്തിയിട്ട ബസിൽ നിന്നും വനിത കണ്ടക്ടറുടെ ബാഗ് മോഷ്ടിച്ചു; ദൃശ്യങ്ങൾ പുറത്ത്

കോഴിക്കോട് തൃശൂർ റൂട്ടിലോടുന്ന ബസിലാണ് മോഷണം നടന്നത്.

കോഴിക്കോട്: കെ.എസ്.ആർ.ടി.സി. ബസ് സ്റ്റാൻഡിൽ നിർത്തിയിട്ട ബസിൽ നിന്നും വനിത കണ്ടക്ടറുടെ ബാഗ് മോഷ്ടിച്ചു. ടിക്കറ്റ് മെഷീനും എടിഎം കാർഡ് ഉൾപ്പെടെയുള്ള രേഖകളും അടങ്ങിയ ബാഗാണ് നഷ്ടമായത്.

യുവാവ് ബാഗ് മോഷ്ടിക്കുന്ന സിസിടിവി ദൃശ്യങ്ങളും പുറത്ത് വന്നിട്ടുണ്ട്. കോഴിക്കോട് തൃശൂർ റൂട്ടിലോടുന്ന ബസിലാണ് മോഷണം നടന്നത്. ബസ്‌ സ്റ്റാൻഡിലെ സിസിടിവിയിൽ പതിഞ്ഞ ദൃശ്യങ്ങളാണ് നിർണായകമായത്. നടക്കാവ് പൊലീസ് കേസെടുത്ത് അന്വേഷണം ആരംഭിച്ചു.