കോഴിക്കോട്: നാദാപുരത്ത് സ്ഫോടക വസ്‌തുക്കൾ പിടികൂടി. നാദാപുരം - തലശേരി എയർപ്പോർട്ട് റോഡിൽ വാഹനപരിശോധനക്കിടെയാണ് സംഭവം. സംഭവവുമായി ബന്ധപ്പെട്ട് കക്കട്ട് പാതിരപ്പറ്റ കൊളാട്ടയിൽ വീട്ടിൽ സന്തോഷി(38)നെ നാദാപുരം സിഐ എൻ. സുനിൽ കുമാർ അറസ്റ്റ് ചെയ്തു.
നാദാപുരത്ത് സ്ഫോടക വസ്‌തുക്കൾ പിടികൂടി
50 ഡിറ്റണേറ്ററുകളും സൺ 90 വിഭാഗത്തിൽ പെടുന്ന 31 ജലാറ്റിൻ സ്റ്റിക്കുകളുമാണ് പ്രതിയിൽ നിന്ന് കണ്ടെത്തിയത്. രാവിലെ ഏഴരയോടെ ആവോലം ടൗണിലാണ് പ്രതി പിടിയിലായത്. നേരത്തെയും സ്ഫോടക വസ്‌തുക്കൾ കടത്തിയ കേസിൽ ഇയാൾ പിടിയിലായതായി പൊലീസ് പറഞ്ഞു.
